Ritemail: Top 10 Youngest Billionaires on the Forbes

Ritemail: Top 10 Youngest Billionaires on the Forbes: Facebook co-founder Dustin Moskovitz has occupied the top spot on the Forbes' youngest billionaires list, beating Facebook CEO Mar...

Ritemail: The Evolution of the World Cup Soccer Ball

Ritemail: The Evolution of the World Cup Soccer Ball: Uruguay (2nd half), 1930 German photographer Jens Heilmann took pictures of World Cup soccer balls from every single one of the 19 tournamen...

أنا حق الرد

ما أنا إلا حق الرد
وسأبقي أبدا ردة فعل
لعدو يستهدف أطفالأ وكباراً ونساء
ما انا إلا حق الرد
يقتل من وطني الأحلام

يقتل في وطني المستقبل
يقطع في وطني الأخضر
يتحول لون الوطن إلي الأحمر
الأحمر لون في علم
يوم اتمني أن يرفع علي الأقصي
الأحمر دم أطفالي
تذبح أمام أعينكم بلا رحمة
وسأبقي دوما ردة فعلا
ما دام الوهن ينخر فينا
ما دام العدو يغذينا طعام الخزي والنكبه
ما دام العدو يلبسنا ثياب العار والذله
سأبقي دوام حق الرد

معلومات أكيد هتهمك .......... أيوه أنت هتهمك صدقني

 

 

 

 

 

 

 

 

 

Felix Baumgartner's supersonic freefall from 120,000 ft

الدائرة المقطوعة

إذا مش نازلين للناس ف بلاش 

والزم بيتك..

بيتك.. بيتك

وابلع صوتك

وافتكر اليوم ده

لإنه تاريخ موتى..

وموتك.

إذا مش نازلين للناس

فَ بلاش

مادام الدايرة ماكاملاش

والحاجة ماتاماش

وأصحاب الحاجة ماعارفاش

إيه المعني

وأى بطولة

ف إن حياتنا

واحلا سنينَّا

يروحوا بلاش؟

حاجة ماراكباش!!

***

الله يخرب بيت الفكر

وبيت اليوم

اللى ورانا الفكر

لإن الفكر كتاب

و(عويضة)

حياته هباب وتراب.

عايش زمنه الكداب

زى العادة ـ مرتاب!!

كنكة على دِمْس

ونفَس

مقطوع فى الغاب

ماشبعناش عنه بُعد

وهوه

ماشبعش غياب!!

***

(عويضة)

هنا.. ك فى الأرض

فى المدن الأُوَض

اللى نايمة على بعض!!

***

وأقولك

إيه اللى قطع الدايرة يا أمير

وخلى مابين النبى والخلْق

الغربة.. وتقطيع المشاوير؟

إن انا وانت

بنلعب طول العمر دورين:

طليعة وجماهير.

و(عويضة)

بينفخ موت الدِّمس

والعالم..

نِمْس.

العالم..

سرقة وقلْع ولبس

و(عويضة) بقلبه الجبس

اللى معلِّمُه..

إمتى مايحسش

وامتى يحسّ..

بيعدِّى فى الأيام

جمل المراحيل.

زى ما عدَّاها

من أول ما اتخرط الكون

من أول ما طلع للدنيا

ووجد قبلُه..

فرعون!!

***

نفس الأيام

نفس النسخة

مطبوعة

على كل الأعوام.

ماسمعشى بينا

ماسمعناش.

ماقابلناش.

ما اتكلمناش.

***

ولإن حمول الأيام

مش مرفوعة

إذا يد (عويضة)

ماترفعهاش.

والقولة الحقَّة

مش حقّة

إذا صدر (عويضة)..

ماطلَّعهاش

والخطوة..

حتفضل مشلولة

إذا قُدّامنا (عويضة) ماخطَّاش.

ولإن دى حاجة

(عويضة)

لسّه مايدركهاش

ولايدركناش

ولا يعرفناش

ولإننا..

لما دبحنا بعض

ـ مناقشة ـ

على القهوة

ـ لاجل البشرية ـ

(عويضة) ماسمعناش

تبقى الدايرة

مادايراش!!

واما ييجى المخبر

يسحبنا ع الزنازين

لازم نبقى عارفين

إن السَّحبة ببلاش

وان الحدوتة

مالافَّاش

ف الدايرة ماتامَّاش

والدنيا.. ماحِلْواش

وان (عويضة)

لما قِبل الظلم ماماتْش

إحنا مُتنا..

وهوه.. عاش!!

***

الحاجز..

أكبر من كل الأحلام

واسْمَك..

من جهلى وجهلك..

واسمى..

واسمك!!

***

مش حتعلمنى أكتر ما اتعلمت

روح

علِّم أبو الواد والبت

اللى حيرميهم

فى فرن الثورة

يطيبوا بُكرة

واللى لحد الوقت

مايعرفشى إزاى يكتب

وازاى يقرا.

وازاى يعشق..

وازاى يكره.

ولا عنده فكرة

عنك.. أو عن بكرة

ولا ليك ذكري

لانا.. ولا إنت..

نجحنا ف تغيير الفكرة!!

***

الفاس يردم بذرة

المنجل يحصد سبلة

الشغل يجيب أجرة

وانت بعى….ـد

بحكاية

مامفهوماش!!

بينَّنا وبينُه شعْرة

وأرقّ من الشعرة

ده اللى مفروض

ناسج علم الثورة

وصانع بكرة

واحنا شهدا..

مع إننا.. ماحاولناش.

حاجة..

ماراكْباش!!

جرافيتي التحرير